يلوم المادرة بروحي شمرها
مايدري الدهر عن ودهم شمرها
ليالي افراكهم والله شمرها
امر من المنازع بلمنية
***************************
بهيمة ياضعن شوكَي وناخوك
ونادوك اعلى كل محنة وناخوك
عضيدك انة بلشدة وناخوك
واصير احزام ظهرك علدنية
********************************
بتاج الفرح ولفي توجاني
وحسن ردلي شبابي توجاني
من اثمار المحبة توجاني
كلبي الشبع ضيم من الاذية
*****************************
نشف دمعك وانة دموعي ثرية
رغم عسري تظلنفسي ثرية
بظلام اليل اوجن لك ثرية
لان كلبك بلا رحمة ثرية
**********************************
همي من كثر يذبل وراها
ونار الكلب ما يخمد وراها
كل شدة يهل وادم وراها
فرج‘والفرج من رب البرية
****************************
احبك ما احب على الارض سواك
سبحان الذي من طين سواك
بشر لكنه ويال الكمر سواك
واحد فوق واحد بين ادية
****************************
روحي برشف خدك من عداها
احب وصلك وهبك من عداها
افراكك يوم احملة ‘من عداها
ازورك لو تصير احزاب اليه
*******************************
انت الشمس وانت البدر منهل
وشفافك طعم العسل منهل
كلبي بس الك ياترف منهل
الورد من تمر ياخذ لك تحية
***************************
بدرب مسدود ومتيه محلة
ادموعي جم ذنب كلبك محلة
بعد طير بضباب ابدا محلة
ولا اظن بعد نتلاكة سوية
************************
سمر لو بيض يعجبني شكلجن
تنور اشماتكللي ابشكلجن
لون واحد على حالي شكلجن
بويا تدللن وانا النيران بيه
***********************
حزني عليك ما يبطل وناحي
اسب الي لامني بودك ونا حي
تبات الناس مستورة ونا حاي
ليلي والنجم يشهد علية
****************************
كل مغرم برت علتة وناله
سعيد اللي حضه بشخصك وناله
الطارش من سمع نوحي وناله
ترك شغلة وبجة رحمة عليه
***************************
اشتبي منا تسالنا ابشكلنا
ورد جوري بوسط جنة شكلنا
لون واحد على حالك شكلنا
عصرنا الزلف وانطيناك مية
الجمعة أبريل 06, 2007 4:29 am