نسيت
ياحبيبي نسيت معك معنى الضياع وكلمه احتار
ومعك نسيت الكون ومعه اسمي نسيته
ومعك نسيت كل جرح بحياتي خلاني انهار
ومعك نسيت درب التعب اللي مشيته
ومعك سكن الفرح قلبي وحتى الدار
ونسيت كل همي وتحت أقدامي رميته
ولما هجرتني جبرتني غصب اختار
ام أرضى وانتظرك او أنسى حب هويته
ورضيت بهجرك وقلت سحابه صيف وأمطار
وزاد صدك أتعبني معاه ومليته
وقمت اخلق لهجرانك أعذار وأعذار
وأقول عذره انه حبي اللي بالوفاء نويته
وبدت تشتعل بصدري نار ونار
وبديت اذكر جرحي اللي دفنته ولميته
وتذكرت كل قلب رميته بيدي وسط تيار
وتذكرت كل إحساس بجحدي كويته
وتأكدت حقيقة ان الزمن دوار
وان دمعتك ثمنها غالي وهذا اللي جنيته
وبهجرانك تذكرت معنى الضياع وكلمه احتار
وتذكرت الكون واسمي وكل شي نسيته